لن تتخيلوا ماحصل مع السيدة فيروز على الحدود اللبنانية السورية (عاجل)

لا يعقل ماحصل مع السيدة فيروز على الحدود اللبنانية السورية

عندما نسيت السيدة #فيروز هويتها قبل دخولها إلى #سوريا !!!
تروي ريما الرحباني قصة حصلت عام 2008 خلال توجه السيدة فيروز إلى دمشق لتقديم عدة حفلات في دار الأوبرا بعد غيابها عن سوريا لمدة 23 عاماً.
كانت قافلة السيدة فيروز تسير وسط عاصفة ثلجية ، و على الحدود السورية اللبنانية تحديداً في نقطة المصنع اللبنانية جرى طلب الهويات الشخصية وهنا تقول ريما للسيدة فيروز :
- "بدنا الهويّة" ...
فقالت "يي!! ما معي هويّة! نسيتا بالبيت!"
قلتلا : "كيف يعني نسيتيا؟"
ردّتلي عا العالي "يا لطيف ! بسيطة بيروح حدا يجيبا"
قلتلا لاء اكيد لاء! كيف هيك؟
قال طيب نسيتا شو هالقصّة؟
وعندها تدخل الفنان انطوان كرباج بِدَوْر المُخلّص
قال خلّينا نسألن بلكي بيمرّقوها بلا التذكرة!
قلتلو كيف هاي!؟ قال اي ولو الست فيروز هيّي التذكرة!
وبعد ساعة من الانتظار عاد الفنان انطوان وقال:
إن الحدود السورية ليس لديهم أي مشكلة "الست فيروز معقول تِحمُل هويّة؟ "
لكن المفاجأة أن الجانب اللبناني رَفَض !!
وبعد ساعات من الانتظار والاتصالات والرفض
والجانب السوري عم يتّصل بالجانب اللبناني! انّو أخي شو بعدكُن عم تعملوا؟
نحنا ما عنّا مشكلة ليش بعدكُن منطّرينها بالسيارة! شه!
لإجا ضغط وأمر من المجلس الأعلى السوري اللبناني انّو خلص بقى مرّقوها
.....
تقول ريما : كانت رحلة من العمر وتصف الجمهور السوري :
إستقبال إنضباط إحترام حُب بكل رمش من رموش كل إنسان صادفناه او ما صادفناه!
المسرح الوحيد اللي كنت كل ليلة كل ليلة قبل ما قول توپ!
إسأل عشرين مرّة!! اكيد اجوا الناس! والصالة مفوّلة؟
مش معقووووووولْْْ
ولا حِس ولا سَعلة ولا نَفَس ولا عَطسة ولاشي!
صمتْْ... كأنو دقيقة صمتْْْ!
شي رهيب شو هالشعب الراقي!! ما شفت.. ما شفت!
وبتقولوا ليه الشعب السوري؟
حتّى الليلة الإضافية اللي إنزادت للولاد شي يفوق الخيال جد!
ولاد أَوعَى وأَهذَب وأرقَى من كل شي في مثقّفين وجهابذة بالكون مجموعين!
ولا هَمسة ولا بَكوة ولا نقّة! بيضحكوا مطرح ما لازم يضحكوا !
بيزقّفوا مطرح ما لازم يزقّفوا !!! بيهيّصوا مطرح ما لازم يهيّصوا !!!!
ما شفت بعمري كلّو ولاد بهالحب والفهم والوَعي والأدب والإحترام!
بقى هيك حكايتي مع أهلي بسوريا
لا يِحكي حدا ولا يِعتَب حدا
ولا حدا يقلّي لبنان وفيروز
نو نو نو إنّما إحفظوا منيح شو رح قلّكن!
لأنّو الحق الحق أقولُ لكُم
®️ سورياااا و عااااااصي ووو فيروز
حكاية غير كل الحكايات
ريما عاصي الرحباني نقلا عن صفحة وادي النصارى نيوز