"باس واتباس واتحضن وحضن".. نقيب الفنانين في مصر يُهاجم راغب علامة شاهدوا ماذا قال (فيديو)

بسبب أزمة حفله الأخير في الساحل الشمالي، شنّ نقيب المهن الموسيقية في مصر مصطفى كامل هجومًا على الفنان راغب علامة.

وقال كامل خلال لقائه مع برنامج ET بالعربي : "راغب علامة كفنان له تقديره عندي .. تحديدًا شعب لبنان بحبه .. لأن لبنان جزء مني .. وكلهم أصدقائي .. وكل الفنانين ليهم معجبات .. وأنا بتصور مع كل المعجبات .. ولكن في فرق بين إن تجيلك سيدة سلوكها مدتني وخلاص وإنك تبادلها نفس السلوك".

وأكمل كامل: "شوفنا فنانة كبيرة طلعت رقصت مع راغب وده قولنا عادي .. لكن بعدها فجأة واحدة تانية طلعت حضنت راغب وهو بادلها الحضن .. وبعدها شوفنا واحدة تانية .. ولكن الواقعة الأخيرة أي حد يقلل منها يبقى مش كويس .. لأن راغب باس واتباس واتحضن وحضن".

ورفض مصطفى ما فعله راغب في الحفل، وقال : "إحنا كفنانين قادرين إننا نقول لمنظمين حفلاتنا إحنا مش عايزين المشاهد دي .. وإن قبلت أسرة راغب علامة ومجتمعه بهذه المشاهد .. فأنا قانون نقابتي وعادات وتقاليد بلدي مش بتسمح بده.. وكل خوفي يا راغب إن بكره فنان تاني يقلدك ويقول اشمعنا راغب ؟ .. ويجي بعده فنان تاني يجود على ده .. طب هنوصل لفين بقى ؟".

يُذكر أن راغب أكد قبل أيام قليلة تواصله مجددًا مع كامل وأنه لا يوجد خلاف بينهما، رافضًا أي تطاول عليه.

وقرر مصطفى إيقاف راغب عن الغناء في مصر وتحويله للتحقيق بسبب مشاهد الأحضان والقبلات في حفل الساحل الشمالي.