عبد المسيح: ما هي خطط الطوارئ الموضوعة على كل المستويات؟

غرد النائب أديب عبد المسيح عبر حسابه على منصة "إكس": "ما منستحي على حالنا انو الكنيست فاتح أبوابه كل يوم ونوابهم يشرّعون ويسائلون، بينما البرلمان اللبناني بسبات عميق؟ مدّدنا سنتين وهي كانت؟ مش هلق لازم ناخد قرارت ونطلّع قوانين تحمي لبنان وأرضه وثرواته؟ مش بهيدا الوقت لازم نستدعي الإحتياط في القوى المسلحة ووضعهم لحماية القرى؟ مش لازم بهيدا الوقت البرلمان يشكل لجنة لتبرم على عواصم القرار وتحرك الديبلوماسية المجلّدة؟ مش من هلق لازم نحسب مصير آلاف المواطنين المقيمين بالخليج أو هودي بس لضخ المصاري والتصويت؟ ما بيستاهل الوضع لجنة تقصي حقائق أو تحقيق بعدة مجالات، أو البلد بخير؟ شو خطط الطوارئ الموضوعة على كل المستويات أو منكفي طبيعي؟ حقوق إنسان، تسجيل أضرار ودمار، أمن غذائي، أمن طاقة، سياسة احتواء، جسر جوي، بحري، بري؟ سيادة بلد، تحييد لبنان، سلاح شرعي، غير شرعي، إحتياط البنك المركزي، خطته؟ الذهب... متى الجلسة الجاي؟ لتمديد ثانٍ أو فجوة مالية بأمر من صندوق النقد أو معاهدة سلام محسومة متل الترسيم البحري؟. اعذروني أيها اللبنانيون، نحن نرى ونسمع ونتكلم، لكننا لا نفعل شيئاً... الله يرحم حسين الحسيني وكامل الأسعد وكاظم خليل ويطول بعمرك دولة الرئيس".