مروان شربل يطلق مواقف عاليه السقف : "أموال المودعين غير موجودة ما بقى تضحكو على العالم"

رأى وزير الداخلية السابق مروان شربل أن "رفيق الحريري ليس وحده من تم إغتياله، فلبنان يُغتال بشعبه ومؤسساته وقضائه ومصارفه ومستشفياته ومدارسه وليرته فالبلد كلو راح".

وقال : "أنا مع التمديد للواء عباس إبراهيم عبر عقد جلسة تشريعية وما ينشغل بال حدا على الميثاقية المسيحية".

وأضاف، "الشعب اللبناني فاسد أكثر من السياسيين".

وتابع شربل، "أموال المودعين غير موجودة ما بقى تضحكو على العالم وإذا ما طلعنا غاز وبترول العوض بسلامتكن ما بقى في مصاري".

وأكمل، "هيك هيك مصرياتنا راحت بالمصارف وما حدا خاف عليها انا كمان مش خايف تروح المصارف".

وأردف شربل، "المصارف سرقتنا بالإشتراك مع مصرف لبنان والدولة اللبنانية ".

وأكد أن "بعض المسؤولين إذا نزل الدولار رح يزعلوا كتير لإن ما معن غير دولار".

وأوضح، "من الآخر هنالك مؤامرة من الدول الخارجية على لبنان وعم يضحكوا علينا ويجوعونا ليقولولنا عليكن 100 مليار دولار دين نحنا منذفعن وانتو زبطوا أموركن مع إسرائيل".

وشدد شربل أنه "قبل ما يفل رياض سلامة سيكون لدينا رئيس جمهورية في لبنان والرئيس الجديد سيأتي بعد عقوبات".