عطالله: شو الموال يلي حابين تغنّوا هالمرة؟

غرّد النائب غسان عطالله عبر حسابه على "تويتر" كاتبًا: "إفلاس جديد ومحاولة للضحك على الناس، وين كانوا لما حكينا عن مخاطر أزمة النازحين واتهمونا بالعنصرية، وين كانوا لما حكينا عن انهيار الليرة وضرب العملة وتهريب الأموال وهاجموا القضاء الشريف.

وأضاف: لما حكينا عن الانهيار الاقتصادي يلي سببو الاقتصاد الريعي يلي دام سنين وحكينا عن الزراعة والصناعة والانتاج، اتهمونا بتغيير نمط عيش اللبنانيين، لكن اليوم كل الناس عم تحكي انو ما في خلاص للبلد الا انو يرجع لبنان منتج للوصول الى الاكتفاء الذاتي وزيادة التصدير.

وقال عطالله: لما حكينا عن عدم تشكيل حكومة وتصريف الأعمال يلي تجاوز حدودو بظل الفراغ وتجاهل شريحة واسعة من اللبنانيين ما سمعنا صوت حدا منن. حتى انفجار المرفأ استثمروا بالسياسة وما عادوا جابوا سيرته ولا سيرة التحقيق ولا حكيوا عن يلي ظلموا بالاعتقال من دون محاكمة.

وختم: "المفروض الناس صاروا يعرفوون منيح عحقيقتن وانن تخلّفوا عن انن يكونو حدن بالظروف الصعبة. اليوم الدولار صار اكتر من ١٢٠ وانتو غايبين عن الحلول وعم تجربوا تلعبوا عمشاعر الموجوعين. شو الموال يلي حابين تغنّوا هالمرة"؟