القناة 23 إقتصاد

ربطة الخبز بألفين و"لبنان ينتفض"... على "تويتر"!

- mtv

نشر بتاريخ



إشترك الآن في مجموعة الوتساب

لتصلك الأخبار

لحظة بلحظة على هاتفك


حجم الخط

وقّع وزير الإقتصاد والتجارة راوول نعمة قراراً قضى برفع سعر ربطة الخبز 900 غرام لتصبح 2000 ليرة كحد أقصى، ورفع سعر ربطة الخبز 400 غرام لتصبح ألف ليرة.


 

وقبل أن يُعلَن عن هذا القرار بساعات، تزامناً مع انعقاد جلسة مجلس الوزراء أمس الثلاثاء، أثار توجّه رفع سعر ربطة الخبز غضباً كبيراً لدى الرأي العام اللبناني، حتّى أنّ نعمة لم يتراجع أمام المطلب الوزاري العارم المتمثّل بمواقف رئيس الحكومة حسان دياب، وزير الداخليّة محمد فهمي، ووزير الصناعة عماد حب الله، الرافضة قطعاً لهذا القرار.

وأمام هذا التدهور، اشتعلت مواقع التواصل الإجتماعي إحتجاجاً، في حين بقيَت الإحتجاجات في الشارع محدودة، وهذه عيّنة عن التغريدات التي تصدّرت "تويتر":

عدنان غنيم

الشعب إحتج لمّا قرروا يحطوا 6$ عالـWhatsapp  بس ما إحتج لما غليت ربطة الخبز، أو سرقوا مصرياتوا أو صارت الكهرباء تجي ساعتين بالنهار، أو أقل "حقوقو" مش آخدها، لتشوف قديش الشعب ميّت ومتل إجروا إذا أكل أو شرب، المهم عايش. إكرام الميت دفنو.

رولا عباس

ربطة الخبز عم تغلى والناس كان ناقصها بعد بس هالشغلة لتجوع أكثر! هيدا دليل على إنو لبنان مش بخير ولا رح يكون بخير بوجود هيك دولة.

"مُنى"

بلد خربان عملة منهارة شعب فقير شعب عَبَر أبواب الجوع نازلين عالقاع بسرعة فائقة نحنا والبلد ومصير أسود

الحل؟ انو نوقّع أهم ملف عالطاولة الي هو بنظرن رفع سعر ربطة الخبز!

شو ناطرين؟؟

اليوم لازم يكون بصورة عن ١٧ تشرين وأكبر او ستميت عمره ما يرجع البلد.

رولا نصر

هلق الـ ٥٠٠ ليرة زيادة ع ربطة الخبز هي اللي خاربة البلد؟ بس عدم تنفيذ قرار الحكومة إجراء التدقيق المالي بيمرق عادي؟ قلتولي ثورة؟

ليا ماريا غانم

أدي سعر صرف الكرامة اليوم؟

محمد نجيب

مثل ما اليوم وقّع وزير الإقتصاد على سعر ربطة الخبز، بكرا بوقّع على نعوشكم.

رشا الزين

يا ريت هالـ ٥٠٠ ليرة تكون الشعرة التي قصفت ظهر البعير.

منال رفشي

شو ناطرين لتنزلوا ربطة الخبز بـ٢٠٠٠.

شربل الجميّل

بدل رفع الدعم على طحين وتثبيت سعر ربطة الخبز والسلع الاساسية وفتح باب المنافسة بدعم من الدولة، اتحفنا وزير الاقتصاد رؤول نعمة ووقع قرار رفع سعر ربطة الخبز (وزن 900 غرام) بـ 2000 ل.ل. وين عايشين؟ سينتفض عليكم حراسكم أولاً.


  • الكلمات المفتاحية :